Lyrics
නිදහස මහ මුහුදක් වේ
එහි උල්පත නුඹ වේ
ඒ බව සිහිකොට මෙලොවේ
යුතුකම ඉටු කළ යුතු වේ...
නොදී වැටෙන්නට විපතේ
ලබනට නිදහස සැපතේ
මුළු ලක්දිව නුඹේ අතේ
තබමි නිතින් ඔන්න පුතේ...
බියගොළුකම නිවටකමයි
එය නැතිනම් පිරිමිකමයි
සිංහල සිතිවිලි මෙහෙමයි
පුත නුඹටත් එය උරුමයි...
අපිය අපේ රට රැක්කෝ
කියන අපේ ලොකු ලොක්කෝ
ඒ බව තව නුඹ දැක්කෝ
අපට තව බලයක් කෝ...
ජාතික දෙව් ගී ගයමු
මුළු ලෝකෙම මත් කරමු
නිදහස් දෙව් දූත හමුවට
අපිත් පෙරට යමු...
නිදහස් ලිය ලියලන්නේ
සංවස් හැට බෝවින්නේ
මේ සිතුවිලි සමගින්නේ
මගේ පුතා ලොකු වෙන්නේ...
දෙදහස් හිරු දෙවි එනවා
දෑ බැති මල් පිබිදෙනවා
සිරි ලක් මව් හිනැහෙනවා
මගේ පුතා නැළවෙනවා...
ඇහැලේපොල පුත් කුමරු
කඩුවට ගෙලලුන් අයුරු
පුරුදු කලොත් සිහළ දරු
දෙදහස අත්වනු බොරු...
හා... හා...