Lyrics
මිහිකත නලවාලා
මග මල් ගන්වාලා
පාසල වෙතැ යන මේ
පිටිසර හෙළ ගුරුලිය සැරදේ
සුදු හෙළ සාරිය ඇඳැලා හැඩ කොටැ
ඉඟවට රැළි ලෙළවා
දිගු නිල් වරළස පීරා නිසි ලෙසැ
මල් ගවසා බැඳැලා
ගෙල වට මුතු මාලේ
දෝතේ වළලු සැලේ
සිරියා සපුරා පිරියා පතුරා
යන සුරතල් ලීලා
මිහිකත නලවාලා...
ඕලු නෙළුම් ඈ නෙක මල් පිබිදී
අහෝ විලේ සිරියා
ජයම මලක් ඉන් නෙළාගනී ඕ
හා හා කුමටද ඒ
බාල ලියෝ ඔබගේ
සුහදා හට වෙද ඒ
සුරතලියේ ඔබ හදවත පතුලේ
පෙම් මල කා සතු දෝ
මිහිකත නලවාලා...