Lyrics
මල් නටු වැනි පොඩි දෑත දෙපා
සලන පුතන්ඩී
මගෙ අතට වෙලා ඇයිද පුතා
මේ හැටි චංඩී
විසිතුරු කෙලිබඩු නැතුවට
පොල්කටු බෙලි කටු අරගෙන
සුර කුමරුන් නොදකින සුරලොව වදිනවා
සව් සිරි නොපතා සෙනෙහෙ පතා සුරතල් වෙනවා
මල් නටු වැනි ....
විදියට කිසිවෙකු නොදන්න
අමුතු කතාවක් කියන්න
ඇඟිල් තුඩින් වැලි පොළවේ අකුරු ලියනවා
පොඩි ටිකිරි මුවින් බොලඳ වදන් වැල් ගිලිහෙනවා
මල් නටු වැනි ....
දුක දුරුකර දෙවියෙකුසේ
බිය පලවා විරුවෙකු සේ
රට දැය සමයට එක සේ අත හිත දෙන්නයි
එක පැතුම මෙදා පුතු මතුදා මිනිහෙකු වෙන්නයි
මල් නටු වැනි ....