Lyrics
මහමෙව්නාවේ සමාධි බුදු ඇස
රෑ වට සීතල පින්නෙන් පිරුණිද
නැතිනම් සැබවින් කදුළින් වැසුණිද
පිරිතේ තෙවලා බණ පදයේ
සාදුකාරයේ හඬ මවමින්
අවි ගැවෙනා හඬ රණ දෙරණේ
දෝංකාර දී එයි නැගෙමින්
ඒ අසු බුදු ඇස කදුළින් පිරුණිද
නැතිනම් රෑ වට පින්නෙන් පිරුණිද
හදේ ගලා ගිය මෙත් ගඟුළේ
සීතල දිය රැළි ගල් ගැසෙමින්
නොමිනස්කම් දළු දමා වැඩේ
මිනිසත්භාවය ගිනි තබමින්
ඒ අසු බුදු ඇස කදුළින් පිරුණිද
නැතිනම් රෑ වට පින්නෙන් පිරුණිද