Lyrics
මගෙ කුඹුරේ ඉනි වැට බිඳලා - ළපටි ගොයම් පැල කා දමලා
රැක සිටියෙමි වෙහෙසක් නොබලා - අල්ලා ගෙන ආවෙමි බැඳලා
කාගෙද ගොන් වස්සා - මගෙ කුඹුරට බැස්සා
හොඳ ගානක් උස්සා - පවරා දෙමි වස්සා
කාගෙද මේ හොර වසු පැටියා - සොයා කෙනෙක් එනතුරු සිටියා
මගේ අලාභය මේ සැටියා - අය කර ගෙන දෙමි හොර කොටියා
කාගෙද ගොන් වස්සා - මගෙ කුඹුරට බැස්සා
හොඳ ගානක් උස්සා - පවරා දෙමි වස්සා
සවස් වෙලා අපෙ ගේ පැත්තේ - කවුද බොලේ එනවා ඇත්තේ
වැටේ කඩුල්ලෙන් අර පැත්තේ - හදුණන මුහුණකි මම දැක්කේ
කාගෙද ගොන් වස්සා - මගෙ කුඹුරට බැස්සා
හොඳ ගානක් උස්සා - පවරා දෙමි වස්සා
සිරිමල් අයියට පැණි වරකා - ගෙන ආවෙමි ගෙදරින් පොරකා
සිරිමල් අයියේ මට සළකා - දෙනවද මට මගෙ කළු හරකා
දුන්නට පැණි වරකා - දෙන්නමි කළු හරකා
මා ගැන තව සලකා - දෙනවද බහ මැණිකා
දෙනවද බහ මැණිකා
මට දෙනවද බහ මැණිකා
මට දෙනවද බහ මැණිකා