Lyrics
මගේ දිගට හැඩට තිබුණු කොණ්ඩේ ටික ටික ගැලවෙනවා
ලස්සනට තිබුණු රැවුලත් දැන් ටික ටික සුදු වෙනවා
අනේ මොකක් නමුත් ලොකු වෙනසක් ටික ටික සිදුවෙනවා
(ටික ටික මං ටික ටික වයසට යනවා......//)
ඉස්සර මට සුනිල් අයියා කියලා කිව්වා තමයි
දැන් කියන්නේ අංකල් මට තරුණ ගෑණු ළමයි
හිතට දුක්ක ඇති වුණාට ඇත්ත ඒක තමයි
අයියෝ තරුණ වෙන්න බෙහෙතක්
ලොව තිබුණා නම් හොඳයි නේද......
(ඕවා ඔහොම තමයි.....//)
හිතට දුකයි තමයි හැබැයි ඕවා ඔහොම තමයි.....
සුනිල් අයියා මොකද නිකං නාකි වෙලා වගෙයි
සමහර අය එහෙම කියුවේ නෝන්ඩියට තමයි
අනේ දත් සෙට් එක බඩට යන්න දෙකක් දෙන්න හිතයි
හැබැයි ගෝරි වලට පැටලෙන්නත් දැන් පොඩ්ඩක් බයයි
(ඕවා ඔහොම තමයි ඕවා ඔහොම තමයි
හැබැයි ගෝරි වලට පැටලෙන්නට මෙයාට දැන් බයයි.....//)
කෑම බීම බැලන්ස් කළොත් පරෙස්සමට හොඳයි
කොලෙස්ටරෝල් සුගර් ප්රේෂර් ලෝක ලෙඩක් තමයි
ගෙදර නෝනා හිතේ බයට කරු කුරුවක් දමයි
අනේ ඒ වුණාට මගේ වැඩ ගැන දන්නේ එයා තමයි
(ඕවා ඔහොම තමයි ගෙදර නෝනා ඔහොම තමයි.....//)
දැන් drink එකක් දාගන්නෙත් කිරලා මැනලා තමයි
සිගරට් උගුරක් බිව්වත් ඒක හොරෙන් තමයි
පරණ වුනත් මගේ එන්ජිම තාම තිතට දුවයි
හැට පැන්නත් වඳුරා හලෝ යන්නේ උඩින් තමයි......
(ඕවා ඔහොම තමයි.....//)
වයසට යනකොට කව්රුත් කිව්වේ ඔහොම තමයි......
අයියෝ හැමදාමත් තරුණ වෙන්න හිතන අයත් ඇතේ
ඉස්සර නම් එහෙම තමයි තිබුණේ මගෙත් හිතේ
ඔය දැඟලුවාට ඉහට අරන් ඉලන්දාරි මතේ
අයියෝ නවත්තන්ඩ බෑ වයසට යන එක නම් පුතේ......
(ඒක ඇත්ත තමයි ඒක ඇත්ත තමයි
කවදාහරි අප හැමටත් ඔහොම වෙනවා තමයි......//)