Lyrics
මාල පබළු වැල් කරවට ලන්නට
තෝඩු අරුංගල් තෑගි ගෙනෙන්නට
දවසක් ඒවිලු බිනර මහේ
බිනර මහේ
කෝල කොමළ ඉඟි මුවින් සිනාසී
හීන් හඬින් කොඳුරමින් එදා කී
හිරිමල් සීපද තාම ඇසේ
තාම ඇසේ
ගිරා කොබෙයියෝ රංචු ගැහී - වැවු ඉස්මත්තේ
ආල කතන්දර රහස් කියනවලු
උන් උන් අපිගැන කතා කියනවලු
ළන්ළන් වීලා //
හීන ඉසවුවේ පෙරුම් පුරා - එන ගීතේ
හිතට හිතක් නැත මෙහෙම හිතක් නැත
බිනර මලක් ළඟ බඹර නඩක් ඇත
ළන්ළන් වීලා //