Lyrics
මා මිහිදන් වුණාම මේ කොඩිවැල් කියයිද
තුන් සිත වින්ද වේදනා
සෝ ලතැවුල් මවාන සුදු සළුපිළි දරාන
කිම ඔබ හඩන කාරණා
සෙවනට උන්නු ගසේ
අතු සිඳ බින්ඳ මිනිස්සූ
පාඩුවෙ දිලුණු සඳට
කැබළිති ගැසුව මිනිස්සු
කන්නට දුන්නු අතම
හෙමිහිට හැපුව මිනිස්සු
ඇතිදා නැති බුහුමන්
නැතිදා පිදුව මිනිස්සු
මා මිහිදන් වුණාම මේ කොඩිවැල් කියයිද...
සේසත් පාවඩ මැද
අභිමන් හරසර රන්දා
අවසන් ගමනට ඇයි
දහසින් සැරසිලි බන්දා
හදවත් නැති වුන් ලෙස
පෙරදා දුන්නු වේදනා
දෙසවන් බිහිරියි අද
මිතුරනි කුමට වරණනා
මා මිහිදන් වුණාම මේ කොඩිවැල් කියයිද...