Lyrics
ලංකා ලංකා පෙම්බර ලංකා - පිනවමු ඔබ ලංකා
හොබවමු ඔබ ලංකා දිවි දී - සුරකිමු ඔබ ලංකා
බලි තරු රාවන ගැමුනු විජයබා නිරිඳුන් ලද ලංකා
පුලතිසි දැමි සිරි රහල් කුමරතුඟු පඬුවන් ලද ලංකා
විදු සක්විති මහ පැරකුම් කිවිසුරු කිවියන් ලද ලංකා
ඔබ රැකුනොත් ලෝ කුඹුවද අප හට සීත ගඟුලි ලංකා
මහවැලි කළු කැළණි වලවේ ඇත හතරක් ඇති ලංකා
සමනොළ කිරි ගල් පිදුරුතලා නෙක කෙහෙ ගැට බැඳී ලංකා
තේ වතු පොල් වතු කෙත් වතු පෙළ උකුලේ නලවන ලංකා
මුහුදින් අඟලක් ඔබ වැවෙතොත් එහි පනිමු පනිමු ලංකා
ඔබ හට අත පොවනට උන් මුන් හට ඉඩ නොතබමු ලංකා
අවහොත් මෙහි උන් ලුහුබඳවා ගොළු මුහුද හොවමු ලංකා
ගොඩදිය අහසේ හැම තැන ඔබගේ නම කියවමු ලංකා
ඔබ වෙනුවෙන් එන වෙඩි සැර මල් පෙති සේ සලකමු ලංකා
හෙළ මුතු මිණි වැල් එකට දමාලා ඔබ සරසමු ලංකා
ගස්වැල් වල මල් එකට ගොතාලා ඔබ පළඳමු ලංකා
රුහුණේ කිරිපැණි එකට හනාලා ඔබ පිනවමු ලංකා
අවසන ඔබ හට පොහොරට මේ කය මෙහිම හොවමු ලංකා