Lyrics
කව්ද ඔබ කව්රුන්දෝ
මලක පිණි බිඳුවක්දෝ
නිහඬ වීලා මන්දෝ
පවසන්නෙ මොනවාදෝ
සිතුවාට නැත සිතෙන්නේ
කව්ද ඔබ කව්රුන්දෝ
මලක පිණි බිඳුවක්දෝ.....
මදහාස බැල්මෙන් තී
මා මත් කරන්නේ
ඇයි කල්පනාවෙන් මෙන්
නැද්ද නෙත් සලන්නේ....
සඳ පායලා ආ ඒ ඔබදෝ වසන්තේ
සැළලිහිනි ගී පිළිරැව් හඬදෝ දසන්තේ
එදා සීගිරියේහී ඇඳුණු රුවක්දෝ
රුවක්දෝ රුවක්දෝ......
කව්ද ඔබ කව්රුන්දෝ
මලක පිණි බිඳුවක්දෝ
නිහඬ වීලා මන්දෝ
පවසන්නෙ මොනවාදෝ......
වලාකුල වගේ පීරූ
හිස පිරිමදින්නම්
නෙලා ඕලු මානෙල් මල්
ගෙල පළඳවන්නම්......
මගේ ආදරේ සතුටින් පිළිගන්නවානම්
උදේ මෙන් දිවා රෑ මා පණ සේ රකින්නම්
හිතාගන්න බෑ තාමත් ඔබ කාගේ කව්දෝ
කව්දෝ කව්දෝ......
කව්ද ඔබ කව්රුන්දෝ......//