Lyrics
කරඹ මල් පිපී සුවඳයි හේනෙ පැල මගේ
සුබ නැකතට සුදු පිරුවට ඇතිරුවා වගේ
කුරහන් මල් මද සුළඟට දඟ කරයි නගේ
හරියට නුඹ මගේ ළඟින් ඉන්නකොට වගේ
පසළොස්වක නාඹර සඳ ගෙවැදුණා නගේ
නුඹෙ හසරැලි අරගෙන මගෙ තනිකමට රැයේ
ඈතින් එන සීපදයක සිත දැහැන් බැඳේ
ළඟ නැතුවත් ඉඳුවර මල් ඉඟි කළා වගේ
කරඹ මල් පිපී සුවඳයි ...
සඳ ඉස්සර කරගෙන තරු නෑ ගමන් කොහේ
වලා කැරලි සඳ ඉඹින්නෙ පෙම්වතුන් වගේ
ගෝමර ගෙල වට පළඳා මුතු පොටක් නගේ
මගේ පැලට කැන්ඳා එන සඳ නුඹයි මගේ
කරඹ මල් පිපී සුවඳයි ...