Lyrics
ජයමංගල ගී තාලෙට
පිඹ පිඹ බට දඩු නලා
ජයපැන් බොන සෙබල රැලක්
විලසට හඩ තල තලා
රසකර මම පවසන්නෙමි
මිනි කිංකිනි සොලවලා
අසනු මැනවි අසනු මැනවි
අසනු මැනවි තුටුවෙලා
පරයන ඉදුනිල් කැට
දෙනෙතෙහි ඇති කැල්මට
වසග නොවන්නියෙ කවුරුද
නෑනගෙ එක බැල්මට
මම කැමතියි නෑනට
නෑනා කැමති නැහැ මට
පොත් ටික තුරුලට අරන්
මුව මදහස රැලි පෙරන්
පාසල් යන දෙවැට දිගේ
නෑනා මගෙ රත්තරන්
මම කැමති නෑනට
නෑනා කැමති නැහැ මට
මැල්ලුමකට වෙල් පලා
නෙලන්න සිහිනිග සලා
යන විට රන මොණරි වගේ
මගෙ හද කුල්මත් කලා
මම කැමති නෑනට
නෑනා කැමති නැහැ මට
අඩසද වන් නළලතේ
චන්දන තිලකය ඇතේ
රිකිපිල වැනි කෙස් කළඹට
කිතුල් රෑන පැරදෙතේ
මම කැමති නෑනට
නෑනා කැමති නැහැ මට
මුහුදෙහි රළ පෙල ගැසී
ගමන සදිසි යන ලැසී
ඇගෙයි මගෙයි ආදරයට
ආසිරි මල් වැසි වසියි
මම කැමති නෑනට
නෑනා කැමති නැහැ මට
නැහැඹුල් හද කිතිකැවී
නව රසදුන් සරසවී
මගෙ දුප්පත් පැලේ ඉන්න
එනවද මදු මාධවී
මම කැමති නෑනට
නෑනා කැමති නැහැ මට
ඔබෙන් ලැබෙන තොත්තුවේ
රසයට හද පත්තුවේ
කිරියි පැණියි වගෙ ඉන්න
එනවද මගෙ වස්තුවේ
මම කැමති නෑනට
නෑනා කැමති නැහැ මට
කරදර බාධක මැද්දේ
දිවි ගග පහලට ඇද්දේ
ගල් පර දැක පෙරමුණේ
මොන නදිය ද නැවතුනේ
මම කැමති නෑනට
නෑනා කැමති නැහැ මට
හසරැලි නැත්නම් මුහුනේ
සිතුවිලි ලස්සන නැහැනේ
වේදනාව නැති ලොවේ
ජීවිත රසවත් නොවේ
මම කැමති නෑනට
නෑනා කැමති නැහැ මට
ගන්නට ඔබ වාඩුවක්
නැහැ මට ඉන් පඩුවක්
හදමුද අපි කූඩුවක්
වෙමුද පරවි ජෝඩුවක්
මම කැමති නෑනට
නෑනා කැමති නැහැ මට..///