Lyrics
ඉඟුරු වගේ හිත පොඩිකරගන්න එපා ප්රියාදරී
වසඟ වෙලා නුඹේ සිතට රහට දැනෙයි සුබාසිරි
පහල වත්තේ කෝලිකුට්ටු පීදනවා ප්රියාදරී
පැලට වරෙන් දෙයියෝ මගේ ඉන්න හැකි සිනා සිසී.....
දිවුල් ගහේ දිවුල් පිරිලා ඒවත් බිම වැටෙනවා
නෙල්ලි ගහට පිස්සු හැදිලා වැලි වාගේ වැටෙනවා
මාල ගිරව් ප්රේම ගීත පැලට උඩින් ගයනවා
මොක තිබුණත් මොකටද දැන් නුඹවම හිත හොයනවා.....
ඉඟුරු වගේ හිත......
රතු හාලේ නාඩු බතට මිරිස් මාළු ඉදෙනවා
මෑ වැල් වල කරල් පිරිලා ඒවා එතන පැහෙනවා
සිදාදියට එක්ක යන්න කාසි මටත් තියෙනවා
මොක තිබුණත් මොකටද දැන් නුඹවම හිත හොයනවා.....
ඉඟුරු වගේ හිත......