Lyrics
ඉගිලෙන්න තහනම් නම් දුරක්
ඇයි දුන්නේ මට අත්තටු දෙකක්
අපි ලිව්වේ ලස්සන කවි දෙකක්
මගේ වෙන්නේ ඇයි කවි පෙළක්... //
පෙම්වන්ත හිතටත් යට ඉඳන්
පෙන්වන්න අවියක් ඔබ අරන්
මට ගන්න හැකි, ඉර හඳ වුනත්
ඔබ දන්නේ නෑ ඒ බව තවත්
ඔබ දන්නේ නෑ ඒ බව තවත්...
ඉගිලෙන්න තහනම් නම් දුරක්... /
හැමදාම මල් පෙති ලං කළත්
දැනුනේම නෑ සුවැඳති බවක්
නෑ මා ඔබෙන් ලද අත්වැලක්
සාදාරණයි අපි වෙන් කළත්...
සාදාරණයි අපි වෙන් කළත්...
ඉගිලෙන්න තහනම් නම් දුරක්... /