Lyrics
(ගැටබරු කන්දේ මුදුනේදි බැඳුනු පෙම් හිත
දෙවිවරු වැන්දේ පුදකොට පිපුණු මල් මත
රජ්ජුරු බණ්ඩාර දෙවියනේ ඇගේ අත
ලබාගන්න වරම් දෙන්න යොමා සවනත.....//)
(පූජා වටිටිය හදන්න උදව් වුණා බැහැ නොකියා
මගේ ළඟින් වාඩි වෙලා හිනා වුණා බාලලියා...//)
ඇයත් මගෙ ළඟ හිටියා ඔබත් බලාගෙන හිටියා
මුකුත් හිතාගන්න බැරුව මමත් උමතු වූ සැටියා.....
ගැටබරු කන්දේ මුදුනේදි......
(මල් නෙලලා පැන් ඉහලා දෝත පුරා සියුමැලියා
රෝස පාට කම්මුල් දැක කෝල වුණා බෝවිටියා....//)
සංසාරේ පෙරුම් පිරූ රූපය හදවතේ තියා
නම ගමවත් කියන් නැතුව යන්න ගියා ඒ ළමයා......
ගැටබරු කන්දේ මුදුනේදි......