Lyrics
බුදුන් වදින මේ දෑතින් වැඳලා කියන්නම් අම්මේ
අක්කා මෙන් ඔය හිත නැහැ පාරන්නේ මං
හිත හැදෙන්න මට ඇහෙන්න කියා මුසා බස්
පොඩි දුව පවු පුරවා ගන්න එපා මොටදෝ මායම්....
මං දගකාරියයි කියා වැඩිමල් දු ඉහේ තියා
මට විතරයි හැම තහංචි සැර වැර සරදම්
පතා කියාගෙන ආ දේ ඒ හැටියට වෙයි කරුමේ
හැදෙනවනම් මගේ දුටත් මේවා පාඩම්.....
බුදුන් වදින.....
හැමදාමත් අම්මා ලග කිරිල්ලියක් ඉන්නවාද
පියබන්න කියාදෙන්නේ ඇගේ අම්මා නම්
වැස්ස හුළග කුනාටු මැද ඉන්නයි තම දිවි රැකගෙන
පියාබන්න කියා දෙන්නේ කුරුළු මවක් නම්....
අපේ අක්කා දීග ගියේ දෙමාපියන් අඬවලාද
අක්කා කළ දේ වැරදි එහෙම වුණා නම්
පණ්ඩිතකම් නොකියා තව අහවර නම් ගේ දොර වැඩ
හොදයි බලාගත්තා නම් පොත පත පාඩම්.....