Lyrics
මල් රොන් අරන් දෑසින් දෑස පාලා
පිනි වැස්සක් මැදින් දෑතින් දෑත ගාවා
සිත්තම් සිතින් ඈතින් ඈත පීනා
ඉන්නම් ඉතින් රහසින් පේවෙලා...
මුදු සීත වෑහෙන්නා සිත හීන තෝරන්නා
සඳ රෑක පාවෙන්නා දැන් සොඳුරු පාටින් දැනෙන ආශා
සංතාප නෑසෙන්නා සංතෝස සායම් ගාලා
සත්පාට සිත්තම් වීලා සතුට දෝරේ ගලනවා...
හැඟුමන් ඇවිත් සඟවයි සිහින මවනා
සිත ඉපිලී ගිහින් සතුටින් දෑස පුරවා
ගොන්නක් පැතුම් වෙලෙමින් පහස ගේනා
දහසක් හැඟුම් යායක් පාවෙලා...
මුදු සීත වෑහෙන්නා...
සුර ලොව සුව සදන්නා අප සුවිසල් හැඟුමිනා
පපු ගැබ මත දැනෙන්නා සුව මහමෙර පරමිනා
රන් අකුරින් ලියන්නා ජය නොමැකෙන විලසිනා
සක්වල කල කලම්බා අප ජය බිම සිඹින්නා...
බිඟු රෑන සේ ඉන්නා දිගු ඈත පායන්නා
හිත ගාව මත් වීලා හිතෙන තාලෙන් විඳින සීමා
සංතාප නෑසෙන්නා සංතෝස සායම් ගාලා
සත්පාට සිත්තම් වීලා සතුට දෝරේ ගලනවා...
මුදු සීත වෑහෙන්නා...