Lyrics
බැරි බර හින්දයි දරුවන් දුන්නේ
බැරි බර හින්දයි දරුවන් දුන්නේ
දරුවන්ටත් දැං දරුවන් ඉන්නේ
මිත්තණියව ඔබ මිනිබිරියන්ගෙත්
බර ඇයි උහුලන්නේ අම්මේ
කොළින් කොළට අතු ඉති පල දැරුවත්
ගහ වැඩිපුර ගෙඩි බිම හෙළුවා
හිසෙත් හිතෙත් බර කොතරම් තිබුණත්
ඔබට එකයි කාගෙත් දරුවා
බැරි බර හින්දයි....
වැරහැලි ඇඳලා සැප නැත දැකලා
රුව දුටුවම හදවත ඇල්වෙයි
ඔබ බුදුවන්නේ ගහ කොළ යට නොව
ගිහිගෙයි ගින්දර ලිප මුල්ලේ
බැරි බර හින්දයි....