Lyrics
(අවාරේ පිපී සුවඳ ගැල්වූ හදේ
ඔබ කුසුම් තිලිණයයි පුදසුනේ
අයාලේ ඇදී නයන ඉවුරේ රැඳී
ඔබ හිඳී මා හදේ සංහිදේ)...//
(නිල් තුරු ගොල්ලේ මල් ලියකම්
රැව්පිලි රැව්දේ සකුණ ගැයුම්)...//
සොඳුරුයි මිහිරියි
සොඳුරුයි මිහිරියි ලොවම පහන් වෙයි
අප හමුවූ අසිරියෙන්
අවාරේ පිපී..../
(රන් අරුණැල්ලේ වන් කැටයම්
සිත් ගඟුලැල්ලේ තරඟ රැඟුම්)...//
පිබිදෙයි සසැලෙයි
පිබිදෙයි සසැලෙයි ලොවම උදම් වෙයි
අප හමුවූ මහිමයෙන්
අවාරේ පිපී සුවඳ ගැල්වූ හදේ
ඔබ කුසුම් තිලිණයයි පුදසුනේ
අයාලේ ඇදී නයන ඉවුරේ රැඳී
ඔබ හිඳී මා හදේ සංහිදේ
(ඔබ කුසුම් තිලිණයයි පුදසුනේ
ඔබ හිඳී මා හදේ සංහිදේ)..//