Lyrics
අතිනත අරන් යන විට සෙමින්
නව නෑසියන් සමඟින් මෙසේ
මංගල සිලෝ හඬ අභිබවා මට
නුඹේ මෘදු කටහඬ ඇසේ
පියාණනේ
ඔබේ ඇමතුම් හඬ ඇසේ
මඟ නොමඟ මේ යැයි කියා
ජීවිතේ අග මුල සොයා
ඔබ කියාදුන් මහඟු පාඩම
හදේ ගැඹුරුම තැන ලියා
මගේ ඉරණම් ගමන මම යමි
ස්නේහයේ නව මං සොයා
පන්නරය ලැබ ඔබ වෙතින්
ජීවිතය සැකසුනු බැවින්
පරපුරේ ගෞරවය රැකගෙන
හිඳින්නෙමි පතිනිය ලෙසින්
දරු සෙනේ ඇට මිදුලු විනිවිද
පවතිනා බව දනිමි මං
අතිනත අරන් යන විට...