Lyrics
අපි සේරම එක අවන්හලක නැවතී//
අපේ සිතුම් මල් සිහින පැතුම් මල්...//
මිරිකාගෙන මධු බඳුනේ
තොල ගාමින් අඩ අඳුරේ...//
ගහ බැනගෙන රොස පරුසෙන
තලා පෙලා පාගාගෙන…
ආදරයෙන් සිත සෙනේහයෙන් යළි
අපි සේරම ජීවිතයේ
මහගිරිදඹේ නගිනවා///
අප යන මග ගිනි අව්වේ
හිරි පොද පිනි වැහියල්ලේ//
සමනල සුරංගනා ලෝකේ
අරුණළු ප්රභාත දේදුන්නේ...//
ගමනේ කෙලවර දුටුවේ කවුරුද
මහගිරිදඹ තරණය කළේ කවුරුද...//
සිතිජ ඉමේ නිල් සිහින ඉසව්වේ
සමනල තටු ගිලිහී
යන මග කෙලවර වී
සිහිනය මිය යනවා…
අපි සේරම ජීවිතයේ
මහගිරිදඹේ නගිනවා...////