Lyrics
අහස පොලව උහුලනවලු
ඉරත් හදත් මූහු වෙනවලු
පටන් ගත්තු දාට ආදරේ
සිනහ පදුරේ කදුලු සුසුම් පොකුර ආදරේ
නෙතට පිරිත් පැන් ඉහිනා සිදුර ආදරේ
කදුලු වදුලේ සිනහ පොට්ටු නටන ආදරේ
සිතට තට්ටු කරන සිහින කෙවිට ආදරේ...
ආදරේ…ආදරේ…ආදරේ…ආදරේ…
අවේලාවේ හීන මවන
හීන මානේ දෙපලු කරන
මුරන්ඩු කම දුන්නු ආදරේ
රෑ තුන්යම, රෑ තුන්යම පාළු මකන
තනිවම හිනැහෙන මුමුණන
තුරුනු සිරිත සොඳුරු ආදරේ
ආදරේ…ආදරේ…ආදරේ…ආදරේ…
සාගරේට කඳුලු හදන
මහ සුලගට සුසුම් බෙදන
විනයක් නැති දැහැන ආදරේ
හිතෙන් හිතට, හිතෙන් හිතට ඉව අල්ලන
නෙතින් නෙතට මාරු කෙරෙන
දාර්ශනික දහම ආදරේ...
අහස පොලව උහුලනවලු.../